عندي شوية أسئلة بسيطة للمجلس العسكري في يوم التدوين ضد المجلس 23 مايو
مجلسنا العسكري العزيز .. لماذا يحاكم الثوار المدنيين محاكمات عسكرية ومبارك في شرم لأن حالته النفسية سيئة؟
مجلسنا العسكري العزيز .. لماذا الأمن مكثف عند سفارة الصهاينة لكنه غير متواجد في الشارع وعند الكنائس المحترقة وجامع النور؟؟
مجلسنا العسكري العزيز .. ليه مرتضى منصور بيطلع يشتم في الثوار وبتسيبوه وبتطلع بثينة كامل تقول رأيها تقطعوا عليها البرنامج ؟؟
وكمان قطعتوا كلمة احد الثوار وهو بيتكلم في التلفزيون !!
مجلسنا العسكري العزيز .. ليه بتطالبونا اننا نشتغل عشان عجلة الإنتاج وانتو مش شايفين شغلكم في اعادة توزيع الأجور؟
مجلسنا العسكري العزيز .. ليه طلبة إعلام يعتصموا ويضربوا عن الطعام ويتنقلوا المستشفى ، ويطلع قرار إن العميد قاعد وهمّ يتفصلوا؟
مجلسنا العسكري العزيز .. ليه اقباط ماسبيرو يتضربوا وانتم بتتفرجوا ومعتصمي السفارة تضربوهم وتنيموهم ع الأرض وتهيوهم وتذلوهم
مجلسنا العسكري العزيز .. ألست ضامنًا لثورتنا ولست بديلا عن الشرعية التي نرتضيها؟؟ إذا لماذا أنت صاحب الرأي والقرار؟؟ ولماذا يصدر المجلس العسكري 56 بيانًا في مقابل 3 مرات فقط نشوف وش عصام شرف فيها؟؟
سيادة المجلس !! .. يعني ايه تكشفوا على عذرية البنات في التحرير ويعني ايه محمد سعيد الجيش يتحرش بيه جنسيًا ويعني ايه ظابط جيش يقول للثوار العلم الاسرائيلي مش هينزل وبنطلونك هو اللي هينزل ؟؟؟؟ يعني ايه!!
وعشان كل دة
وعشان اللي اتقال في الفيديوهات دي
انا هنزل يوم 27 مايو ومش هسكت عن حقي تاني ..
Islam Mohammed A.K
أزال المؤلف هذا التعليق.
ردحذف